【亞洲現時唯一能夠賺錢的航空公司】
參考資料：https://bit.ly/3fOSZ01 (國泰航空上半年蝕98.65億元)
參考資料：https://bit.ly/33XupaO (中華航空靠貨運業務疫情純利逾6億)
當疫情令到國泰航空半年蝕98.65億，但原來香港附近既中華航空竟然可以第 2 季賺6億4,000萬元，成為亞洲現時唯一能夠賺錢既航空公司。
國泰航空8月12日公佈上半年業績，勁蝕98.65億，仲估計收入會喺頗長時間有顯著復蘇。相反，中華航空前幾日公佈今年第2季稅後純利有24億元台幣（約港幣6億4,000萬元），獲利創新高！點解中華航空竟然做到逆市奇葩？原來主要喺靠3大方法！
第一，轉行玩貨運！事實上，中華航空目前客運佔收入比例僅4%，現時收入差唔多由貨運支撐。疫情下貨運運價上升，中華航空變做貨運公司就令到業績上升！
第二，Cut人手！呢一招喺衰但work，由於疫情唔知幾時先完，客運難以翻身，加上玩貨運又唔使空少空姐，所以Cut人手慳到既錢亦都幫到好大忙！
第三，低油價！之前講到中華航空做貨運，而飛就一定要用油。剛剛好之前油價大跌，燃油成本降低，令到每次載貨都可以賺多少少！
Search